Skandali në futbollin italian, Calciopoli 2 apo tymnaja e radhës? Ja sa rrezikon kombëtarja “azzurre” dhe klubet italiane

Skandal i rëndë në futbollin italian, ku në qendër të vëmendjes është sistemi VAR dhe roli i Gianluca Rocchi, vijon të marrë vëmendjen kryesore mediatike në Itali. Sipas raportimeve të La Repubblica, në dhomën VAR dyshohet se përdorej një lloj “kodi sekret” me gjeste dhe sinjale për të orientuar vendimet e arbitrave në situata të […]

Skandal i rëndë në futbollin italian, ku në qendër të vëmendjes është sistemi VAR dhe roli i Gianluca Rocchi, vijon të marrë vëmendjen kryesore mediatike në Itali. Sipas raportimeve të La Repubblica, në dhomën VAR dyshohet se përdorej një lloj “kodi sekret” me gjeste dhe sinjale për të orientuar vendimet e arbitrave në situata të caktuara.

Rasti më i përfolur lidhet me ndeshjen mes Udinese dhe Parma , ku arbitri VAR Daniele Paterna dyshohet se ndryshoi vendim pas ndikimeve të jashtme. Sipas hetimeve, këto ndërhyrje mund të përbëjnë edhe mashtrim sportive, përveçse shkelje e pastër e rregulloreve administrative e protokollit që përcakton qartë se dizenjatori i arbitrave, në këtë rast Gianluca Rochi nuk mund të ndërhyjë apo të udhëzojë gjyqtarët në sallën VAR në komunikimin e tyre me gjyqtarët në fushën e lojës.

Situata ka hapur një krizë të thellë në FIGC, me ministrin e Sportit Andrea Abodi që paralajmëron pasoja dhe nuk përjashton ndërhyrjen e drejtpërdrejtë.

Madje, sipas Corriere della Sera, ekziston rreziku që UEFA të marrë masa drastike, duke i hequr Italisë organizimin e UEFA Euro 2032 dhe duke rrezikuar përjashtimin e klubeve nga garat europiane.

Megjithatë, jo të gjithë ndajnë të njëjtin qëndrim. Sipas ekspertit të së drejtës sportive Mattia Grassani, mungojnë kushtet për një komisariim të federatës, duke theksuar se ndërhyrja, nëse do të ndodhte, do të ishte kompetencë e CONI dhe jo e politikës. Edhe presidenti zikaltët Marotta u distancua nga kjo histori duke vënë theksin se Inter është tregua shumë korrekt dhe se nuk ekziston asnjë listë me arbitra të preferuar ose jo.

Aktorët e përfshirë e thanë fjalën e tyre. Tashmë topi kalon nga drejtësia. Rrezik për një Calciopoli 2, apo thjesht tymnaja e radhës? Hetimet e prokurorisë do të zbardhin në vijim gjithçka. Megjithatë sido të shkojë, fakt është se Italia në aspektin sportive po përjeton ditë të errëta.