SOFT NEWS – Thatësira ”ekspozon” kocka… mamuthi në shtratin e Danubit

SOFJE, 1 gusht /ATSH-DPA/ – Mbetje mamuthi janë zbuluar papritur në shtratin e lumit Danub në Bullgari, pasi nivelet jashtëzakonisht të ulëta të ujit ekspozuan shtratin e lumit, raportoi Televizioni Kombëtar Bullgar (BNT).

Kockat u zbuluan nga një banor vendas pranë fshatit bullgar Ryakhovo në Danub, jo shumë larg qytetit të Ruses.

Muzeu i Historisë Rajonale i Ruses konfirmoi se gjetja përbëhet nga një nofull e poshtme, dy dhëmbë dhe një brinjë nga një mamuth.

Ekspertët tani duhet të analizojnë mbetjet për të përcaktuar origjinën dhe moshën e tyre të saktë.

Kockat janë çuar në Muzeun e Historisë Rajonale në Ruse.

“Mbetjet duhet të thahen këtu së pari”, tha zëdhënësja e muzeut Silvia Kostadinova.

Mbetjet e kafshëve prehistorike nuk janë të rralla në rajonin e Ruses.

Muzeu i qytetit ka disa gjetje më të hershme, si dhe një model në madhësi të plotë të një mamuthi./  a.jor.