Tensionet në Lindjen e Mesme, Jemeni mbyll të gjitha aeroportet pas sulmit në pistën e Sanaas

Autoriteti qeveritar i aviacionit të Jemenit njoftoi të hënën mbylljen e të gjitha aeroporteve për trafikun ajror deri në njoftim të mëtejshëm, një vendim që vjen pasi pista e aeroportit të Sanaas u godit për të parandaluar uljen e një aeroplani iranian.

“Ne nuk do të lejojmë asnjë avion të shkelë hapësirën tonë ajrore, qoftë Aeroporti i Sana’as apo ndonjë aeroport tjetër. Ne do të pengojmë çdo përpjekje për të imponuar një fakt të kryer që shkel sovranitetin tonë”, tha Rashad Al-Alimi, kryetar i Këshillit të Lidershipit Presidencial të Jemenit.

“Unë udhëzova që konfrontimi të mos zgjerohet për të shmangur që Teherani të përfshijë Jemenin dhe popullin e tij në luftëra që i shërbejnë interesave të tij në konfliktin rajonal”, shtoi Al-Alimi.

Më parë, Ministria e Mbrojtjes e Jemenit tha se forcat e saj goditën pistën e aeroportit të Sanaas pasi rebelët Huthi penguan uljen e fluturimeve jemenase dhe lejuan uljen e avionit iranian “duke shkelur territorin e Jemenit”.

Ndërkohë, zëdhënësi ushtarak i rebelëve Huthi, Yahya Saree, u zotua se sulmi “nuk do të kalojë pa hakmarrje dhe ndëshkim”.