Tentoi ta qëllonte me armë sapo doli nga lokali, dalin pamjet. Autori ende në arrati në Elbasan (VIDEO)

Pamje nga momenti kur një person i drejton armën një personi tjetër në Elbasan janë siguruar nga Euronews Albania. Në pamje duket momenti kur personi i cili ishte shënjestër e sulmit largohet nga ambientet e lokalit teksa autori i cili ndodhet jashtë ngrihet menjëhere dhe i drejton armën.

Personi reagon menjëhere duke i larguar armën dhe më pas largohet me shpejtësi. Ngjarja ka ngjallur shqetësim të klientët e tjerë në lokal të cilët ngrihen të shqetësuar nga tavolina. Policia ka nisur hetimet dhe ka identifikuar personin e dyshuar, ndërsa po punohet për lokalizimin dhe kapjen e tij.