Trump urdhëron Departamentin e Drejtësisë të hetojë kompanitë e naftës për çmimet e larta të benzinës

Presidenti i SHBA-së, Donald Trump, tha të mërkurën në mëngjes se i kishte urdhëruar Departamentit të Drejtësisë të hetonte kompanitë e naftës për çmimet e larta të benzinës.

“Kompanitë e mëdha të naftës nuk po i ulin çmimet e tyre në pompë në përputhje me çmimet dukshëm më të ulëta që po paguajnë për naftën. Këto çmime po bien si shkëmbi! Me fjalë të tjera, klientët po ‘mashtrohen’”, tha Trump në platformën e tij Truth Social.

“I kam udhëzuar Departamentin e Drejtësisë që të fillojë menjëherë hetimin e kësaj çështjeje. Çmimet e benzinës duhet të fillojnë të ulen shumë më shpejt nga sa po shoh unë!” shtoi ai.

Të martën, Trump tha se çmimi mesatar i benzinës në të gjithë vendin është ulur me 0.60 dollarë për galon “vetëm nga pak kohë më parë”.

Javën e kaluar, çmimi mesatar i benzinës në SHBA ra nën 4 dollarë për galon për herë të parë që nga marsi, pasi SHBA-të dhe Irani njoftuan një memorandum mirëkuptimi për t’i dhënë fund konfliktit të tyre dhe për të rivendosur transportin detar përmes Ngushticës së Hormuzit.