Vijon bojkoti në Gjykatën e Vlorës, qytetarët prej dy ditësh pa shërbim

Vijon bojkoti i punonjësve në Gjykatën e Vlorës, duke sjellë vështirësi për qytetarët që paraqiten për të marrë shërbime.

Një qytetare shprehet se prej dy ditësh shkon në gjykatë, por nuk ka mundur të marrë shërbimin për të cilin është paraqitur.

“Kam dy ditë që vij dhe nuk po marr shërbim”, shprehet ajo, duke kërkuar një zgjidhje për situatën.

Ndërkohë, Gjykata e Vlorës ka njoftuar qytetarët se shërbimet do të ofrohen ditën e hënë. Bojkoti ka shkaktuar shqetësim te qytetarët, veçanërisht ata që kanë çështje apo dokumente që nuk mund t’i shtyjnë.