Yildiz-Milik, Juventusi mbyll turneun australian me fitoren kundër Palermos

Dy skuadrat italiane janë përballur në “Optus Stadium”, në përgatitjet para sezonit të ri. Bardhezinjtë kanë fituar 2-0.

Juventusi i trajnerit Luciano Spalletti ka mundur 2-0 Palermon e Pippo Inzaghi në Perth. Ndeshja u zhbllokua nga goli i Kenan Yildiz, kapiten rastësisht këtë herë, ndërsa goli i dytë mban firmën e polakut Milik.

Paraqitje bindëse në të dyja fazat e lojës për bardhezinjtë. Janë dallur mes të tjerëve Conceicao, Celik dhe Perin, që në shtesë shpëtoi golin e 2-1 me një pritje të mrekullueshme ndaj Douaron në zonën e rreptësisë. Kolo Muani pati dy raste të pastra për gol, por nuk mundi ta gjente rrugën e rrjetës.

Formacionet fillestare

JUVENTUS (4-2-3-1): Perin; Celik, Gatti, Koopmeiners, Cabal; Douglas Luiz, McKennie; Conceicao, Yildiz, Alajbegovic; Kolo Muani

PALERMO (4-2-3-1): Joronen; Cassandro, Ceçaroni, Magnani, Augello; Hernani, Ranoçhia; Johnsen, Segre, Gyasi; Pohjanpalo