Zgjedhjet 2015, 9 gratë që do drejtojnë bashkitë e reja, 8 nga ASHE dhe 1 nga APPD

Ndërsa janë zbuluar të gjithë kryetarët e rinj të bashkive të Shqipërisë, nga 16 kandidatet femra që kanë provuar të bëjnë për vete elektoratin, 9 prej tyre ia kanë dalë të fitojnë dhe të jenë të paktën për katër vitet e ardhshme qytetaret e para të bashkive të reja.

Në Shkodër, kur numërimi vijon ende, Voltana Ademi, ka fituar përballjen me një tjetër kandidate femër, Keti Bazhdarin, duke u bërë e vetmja nga tre zonjat e kolicionit të djathtë që ka dalë fituese. Tetë të tjerat janë të gjitha nga radhët e Aleancës për Shqipërinë Europiane. Kështui Floriana Koka do të drejtojë për këtë mandat qytetin e Sarandës, në Gjirokastër ka dalë fituese Zamira Rami, ndërsa në Libohovë u shpall fituese Luiza Mandi.

Luljeta Dollani fitoi Bashkinë e Gramshit ndërsa Juliana Memiaj atë të Urës Vajgurore. Qytetarët e Rroskovecit dhe të Patosit kanë besuar në ofertën femërore të Majlinda Bufit dhe Rajmonda Balilajt, njëlloj si ata të Prrenjasit, që preferuan Miranda Rirën ndaj kandidatit kundërshtar.

Ndërsa 6 zonjat e tjera që nuk ia dolën përveç Keti Bazhdarit në Shkodër janë kandidatja e Matit, Adelina Farrici, Diana Mile në Pogradec, Lefteri Prifti në Himarë, Valbona Kola në Klos, të gjitha nga Aleanca për Shqipërinë Europiane dhe kandidatja e pavarur për Selenicën, Alma Golemaj. Ndërsa duket e humbur edhe gara e Grida Dumës në Durrës, pasi Vangjush Dako kryeson bindshëm garën.