Zjarri në Himarë përhapet me shpejtësi, policia bllokon qarkullimin në bypass (VIDEO)

Situata e zjarrit në Himarë është përkeqësuar ndjeshëm mbrëmjen e kësaj të premteje, ndërsa flakët po përhapen me shpejtësi në drejtim të zonave të banuara.

Për shkak të situatës së krijuar, Policia ka bllokuar qarkullimin në bypass-in e Himarës, duke lejuar kalimin vetëm të mjeteve të emergjencës dhe atyre të angazhuara në operacionet për shuarjen e zjarrit.

Flakët kanë shkaktuar shqetësim edhe te turistët që ndodhen në zonë. Për t’iu larguar zonave të konsideruara të rrezikuara, një numër turistësh janë mbledhur pranë molit, në afërsi të detit.

Ndërkohë, situata vijon të mbetet problematike, ndërsa forcat e emergjencës po punojnë për të kufizuar përhapjen e flakëve dhe për të mbrojtur zonat e banuara.