Demiraj: Punë të mëdha e presin përpara Shqipërinë
Ministri teknik i Puneve të Brendshme, Dritan Demiraj, deklaroi sot se ne këto 12 javë në detyrë si minister i Punëve të Brendshme ka qenë një nder i jashtëzakonshëm t’i shërbeja vendit, qytetarëve dhe te gjithë shtetasve qe jetojnë e punojnë në Shqipëri.
Nëpërmjet një postimi në statusin e tij Facebook, Demiraj shprehet: “Dëshiroj që t’i shpreh mirënjohjen më të thelle kryetarit te Partisë Demokratike, z. Lulzim Basha, për besimin për të kryesuar këtë dikaster në një moment të vështirë për vendin dhe për mbështetjen e tij të vazhdueshme shtetare për të realizuar detyrat tona kushtetuese”.
Po ashtu, Demiraj pohon se “Prioriteti im për tolerance zero ndaj drogës në bashkëpunim me Policinë e Shtetit prodhoi disa rezultate të dukshme: 37 tonë kanabis i sekuestruar, 40 mijë rrënjë kanabis të shkatërruara, 13 skafe të konfiskuara dhe mbi 75 vetë të arrestuar për kultivim dhe trafikim të lëndëve narkotike. Masat për të goditur fenomenin e kanabisit kanë qenë maksimale, duke i drejtuar operacionet dhe arrestimet dhe personalisht në terren dhe jo masa prapagandistike”.
Demiraj ka falenderuar çdo efektiv te ndershëm të Policise së Shtetit si dhe gazetarët dhe median e lirë. “Punë të mëdha e presin përpara Shqipërinë!”, thekson Demiraj në fund të postimit të tij.
