“Berisha gënjeu demokratët”- Bejko: Hyri në lojë paraja në formë dollari! Rrëmbeu PD, s’ka më të drejtën morale

Ish-drejtuesi i PD dhe politologu Roland Bejko thotë se kryedemokrati Sali Berisha pagoi para, për të marrë vizën amerikane.

Në një intervistë për “ABC News”, Bejko u shpreh se Berishës nuk i është hequr non grata.

Sipas Bejkos, Berisha i gënjeu demokratët, duke përdorur PD për interesat e tij dhe shtoi se nuk ka më të drejtën morale të fitojë zgjedhjet.

“Nuk ka për të sjellë ndonjë gjë përveçse sesa kënaqësisë që pati në mënyrë personale, për kalimin që i bëri oqeanit. Pasi, prej 5 vitesh, kjo ishte beteja e tij, për të marrë partinë dhe për të sfiduar një barrierë që i vendosën amerikanët, gjë që ia arriti. Hyri në lojë paraja në formë dollari, dhe i krijoi Berishës një lloj hapësirë për të kapërcyer oqeanin. Mori PD me dhunë, dhe nuk mori më të drejtën morale për të fituar zgjedhjet”.

Dhe më tej deklaroi se Beriasha mbetet non grata dhe nuk ka më moral politik për të fituar zgjedhjet. Për Bejkon, “sa të jetë Berisha në krye të PD, s’vjen më në pushtet”.

“Tani, të gjithë e kanë mbledhur mendjen, sa të jetë Berisha në krye, PD nuk vjen në pushtet. Kjo parti i duhej për interesat e tij. Në rast se nuk do të ishte kryetar partie, Berisha nuk do e merrte këtë vizë. Mua më ngjan si një i burgosur që ka marrë leje disa ditë. Non grata nuk është hequr”, theksoi ai.