Kryeministri bullgar, Bojko Borisov, vendi i të cilit kryeson presidencën e radhës të BE, dhe presidenti i Gjykatës së Llogarive në BE, Klaus-Heiner-Lehne diskutuan në Sofje mbi eficencën e fondeve që janë destinuar për vendet e Ballkanit Perëndimor, në kontekstin e integrimit për në BE.
‘’Perspektiva europiane kërkon investime serioze, burime financiare domethënëse, respektimin e shtetit të së drejtës dhe reforma në fushën administrative, infrastukturore dhe ambientale’’, theksoi Borisov.
Bashkimi Europian gjatë periudhës 2007-2020 ka akorduar për këto vende 8,7 miliardë euro.
Klaus-Heiner-Lehne theksoi se investimet më të mëdha duhet të fokusohen në fushën e shtetit të së drejtës dhe administratës publike.
Bullgaria do të mbajë presidencën e radhës deri në fund të qershorit dhe në datën 17 maj do të ketë një samit mes BE dhe vendeve të Ballkanit Perëndimor.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.