Siç bën të ditur Ministria e Jashtme e Maqedonisë, krahas takimit me sekretarin e Shtetit, Pompeo, Dimitrov është paraparë të takojë edhe disa zyrtarë të lartë të administratës amerikane, më saktësisht nga Këshilli për Siguri Kombëtare, Departamenti i Shtetit, Kongresi, por edhe përfaqësues të OJQ-ve dhe institucioneve tjera me seli në Washington.
Vlenë të theksohet se vizita e ministrit të Jashtëm Dimitrov në SHBA, realizohen në prag të referendumit në Maqedoni i cili është caktuar për datën 30 shtator.
Referendumi është pjesë e Marrëveshjes mes Maqedonisë dhe Greqisë, e cila parasheh ndryshimin e emrit të shtetit në Republika e Maqedonisë së Veriut, që paraqet kushtin kryesor për anëtarësim të vendit në NATO dhe çelje të negociatave me BE-në.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.