Erion Brace : “E tepërt që të pres nga Duka të dijë se kush është Qemal Stafa”

Nuk kanë të sosur polemikat mes presidentit të FSHF, Armand Duka, dhe zv.kryeministrit Erion Braçe.

Ky i fundit ka qenë kundër komercializimit të emrit të stadiumit të ri kombëtar, i cili do të quhet “Air Albania Stadium” në këmbim të 650 mijë eurove, ndërsa kreu i futbollit shqiptar thotë se duhen para për ta mirëmbajtur.

Mbrëmë, kur u krye testi gjeneral i këtij impianti të ri sportive në kryeqytet, Duka e thumboi sërish Braçen duke thënë: “Të paguaj paratë, jemi gati t’i vendosim emrin e tij stadiumit”.

Por i menjëhershëm ishte edhe reagimi i Zv. Kryeministrit, Erjon Braçe, i cili me ironi shkruan se për atë njeri çdo gjë funksionon me para.