Presidenti i Federatës së Futbollit të Kosovës, Agim Ademi, ka bërë të ditur se FFK është e gatshme për fillimin e edicionit të ri të garave, i cili nis këtë fundjavë me ndeshjet e Superligës.

Në një intervistë për Radio Kosovën, Ademi tha se Federata ka përfunduar përgatitjet në aspektin organizativ, ndërsa vëmendje e veçantë i është kushtuar edhe përditësimit të rregulloreve të garave.

“Po sigurisht Federata e Futbollit nga aspekti nga pjesa e vetë të cilën e bën për organizimin e garave të ë futbollit dhe sidomos të superligës tash që fillon dhe ligës së parë. Do të thotë garat zyrtare të gjitha të kësaj lige ne jemi të gatshëm me të gjitha aspektet.”

Ai bëri të ditur se është duke u zhvilluar edhe seminari me delegatët e ndeshjeve, ndërsa rregulloret janë përshtatur me zhvillimet e fundit në futboll.

“Janë përditësuar të gjitha rregulloret e garave të cilat kemi pas ë ndonjë ndryshim që ka ndodhur tash në futboll dhe sigurisht ndonjë gjë që ne na ka ndodhur në kampionatin paraprak dhe i cili nuk ka qenë i definuar ndoshta në rregullore.”

Sipas Ademit, rregulloret e reja janë harmonizuar edhe me kërkesat e UEFA-s, duke ruajtur specifikat e futbollit kosovar.

“Kështu që kemi bërë rregullore kështu tamam ë të inkorporuara edhe të cilat janë të të bashkëdëzuara me krejt rregulloret e UEF-s të garave që i ka duke i shtir dhe specifikat tona të veçanta që secili kampionat dhe secila federatë i ka të vetat po ashtu edhe ne.”

Presidenti i FFK-së pret një edicion të fortë, duke vlerësuar se klubet kosovare po avancojnë edhe në aspektin organizativ dhe infrastrukturor.