Inter-Dimarco, kontakti i parë për rinovimin “e përjetshëm”! Mbrojtësi mungon dhe ndaj Udinese-s

Anësori i majtë humbi sfidën e Madridit për një dëmtim në gju. Pritet të mungojë edhe të hënën, ndërkohë që janë hedhur bazat e zgjatjes së kontratës.

Mbrëmjen e së martës, para se të ulej në tribunën e stadiumit “Santiago Bernabeu”, drejtori i ri sportiv i Interit, Dario Baccin, ka biseduar me Arturo Canales, prokuratorin e Federico Dimarco. Ky i fundit mungoi ndaj Realit për shkak të një problemi në gjurin e majtë.

Të dy kanë folur për rinovimin e kontratës së mbrojtësit me zikaltrit. “Pas asaj që kam bërë sezonin e fundit, e prisja një telefonatë për rinovimin, por nuk ka ndodhur kështu”, – ka thënë Dimarco pak ditë më parë. Baccin dhe Canales njihen prej kohësh. Ata patën dje kontaktin e parë për zgjatjen e kontratës së mbrojtësit, që skadon në 2027-ën.

Ideja e klubit zikaltër është për një kontratë “të parjetshme”. Dimarco është interist që kur ka lindur, kështu që nuk duket një problem. Palët do të flasin pa nxitim. Dimarco vjen nga një sezon mbresëlënës, me 17 asiste dhe 7 gola. Nuk mundi të luante në Madrid dhe mund të pushojë edhe të hënën ndaj Udinese-s. Interi kërkon ta ketë 100% gati kundër Roma-s më 19 shtator.