Kryeministri Rama del në terren: Prania besnike, një eksperiencë krejt ndryshe nga çdo gjë që kam jetuar në politikë

Kryeministri Edi Rama ka zhvilluar një takim me banorë të zonës së Shkozës në Tiranë në kuadër të nismës “Prania besnike”, ku ka ndarë edhe një mesazh në rrjetet sociale.

Rama ka publikuar një fotografi nga takimi, ndërsa e cilëson një nga eksperiencat më të veçanta që ka kaluar në politikë.

“PraniaBesnike🌹është një eksperiencë krejt krejt ndryshe nga çdo gjë që kam jetuar në politikë prej kaq shumë vitesh❤️. Me Linditën dhe Ogertën sot në Shkozë, Tiranë”, shkruan Rama.

Prania besnike është nisma më e re politike dhe organizative e Partisë Socialiste (PS) dhe qeverisë shqiptare, e prezantuar nga Kryeministri Edi Rama. Ajo synon krijimin e një sistemi të rregullt dhe të drejtpërdrejtë komunikimi me qytetarët në të gjithë territorin e Shqipërisë. Takimet zhvillohen çdo të premte në orën 17:00. Drejtuesit politikë, ministrat, deputetët dhe zëvendësministrat lënë zyrat për të dalë në terren nëpër njësi administrative dhe zona të ndryshme të vendit për të dëgjuar pa praninë e mediave dhe kamerave qytetarët dhe problemet që mund të kenë.