Menaxheri i njohur “pushton” Kombëtaren, edhe sulmuesi i momentit i lë në dorë të ardhmen

Rei Manaj ka ndryshuar menaxher siç raporton “Panorama Sport”. Fali Ramadani e ka tashmë pjesë të “LIAN Sports Group”, teksa Manaj hoqi dorë nga “Niagara Sports Company”.

Lajmi për Manajn konfirmohet një ditë pas realizimit, që vulosi fitoren 2-0 ndaj Finlandës. Tashmë është në kuotën e 14 golave në 50 paraqitje me kuqezinjtë, teksa synon rekordin me 18 gola që mban Erjon Bogdani.

Ramadani është menaxheri më i njohur shqiptar, i cili ka “pushtuar” Kombëtaren. Konkretisht bëhet fjalë për 9 lojtarë që janë nën menaxhimin e tij. Manaj i është shtuar listës që përbëhet nga Ramadani, Hasa, Uzuni, Kumbulla, Bajrami, Pajaziti, Medon Berisha dhe Kristian Shpendi.

Lojtarët e Kombëtares në menaxhimin e kompanisë së Fali Ramadanit: Rei Manaj, Ylber Ramadani, Kristian Shpendi, Luis Hasa, Myrto Uzuni, Medon Berisha, Marash Kumbulla, Nedim Bajrami, Adrion Pajaziti

Të tjerë: Stiven Shpendi, Xhoi Nuredini, Redi Kasa.