MPB: Ndalohet një i mitur i cili vidhte në xhamitë e Tetovës, do të vijojë kallëzimi përkatës

MPB Maqedoni njofton se dje (19.05.2026) në orën 18:00 në Tetovë, nëpunësit policorë nga SPB Tetovë e privuan nga liria një të mitur 16-vjeçar nga Tetova për shkak të ekzistimit të dyshimit të bazuar për kryerjen e veprës penale sipas nenit 236 të Kodit Penal – “vjedhje e rëndë”.

“Ai dyshohet se gjatë dy javëve të fundit ka kryer vjedhje në disa xhami, ndërsa herën e fundit në një xhami në rrugën “176” në Tetovë, ku me përdorim force ka thyer arkën metalike të donacioneve dhe ka marrë para nga ajo”.

“I mituri është ndaluar në stacion policor, është njoftuar prokurori publik dhe pas dokumentimit të rastit do të pasojë kallëzim përkatës”, thonë nga MPB.