Nikoloski takohet me eurodeputetë: Perspektiva europiane mbetet prioritet strategjik i Maqedonisë

Zëvendëskryeministri dhe ministri i Transportit i Maqedonisë së Veriut, Aleksandar Nikoloski, u takua sot me anëtarë të Parlamentit Europian në kuadër të takimit të 25-të të Komitetit të Përbashkët Parlamentar Maqedoni e Veriut – Bashkimi Europian.

Në fokus të bisedimeve ishin integrimi europian i vendit, procesi i reformave dhe hapat që duhet të ndërmerren drejt anëtarësimit të plotë në BE. Palët diskutuan për gjendjen aktuale dhe progresin e Maqedonisë së Veriut në përmbushjen e detyrimeve që dalin nga procesi i pranimit, si dhe për rëndësinë e vazhdimit të reformave në fushat kyçe të këtij procesi.

Nikoloski informoi eurodeputetët për aktivitetet konkrete që Qeveria po ndërmerr për avancimin e reformave, forcimin e institucioneve dhe krijimin e kushteve për përshpejtimin e integrimit europian të vendit.

Në takim u theksua rëndësia e dialogut të vazhdueshëm me institucionet e BE-së, si partner i rëndësishëm i Maqedonisë së Veriut në procesin e afrimit me familjen europiane. U shënua se perspektiva europiane mbetet prioritet strategjik për shtetin dhe se vazhdimi i dialogut të hapur me institucionet europiane është thelbësor për progresin e mëtejshëm të vendit.

Takimi u zhvillua në atmosferë konstruktive, me theks të veçantë në nevojën për thellimin e bashkëpunimit ndërmjet Shkupit dhe Brukselit në të gjitha nivelet.

Burimi: centar.mk