Pedro Sanchez lideri i ri i Partisë Socialiste spanjolle

 Pedro Sanchez u zgjodh sot lideri i ri i Partisë Socialiste në Spanjë (PSOE).

Emërimi i tij do të ratifikohet nga Kongresi i Jashtëzakonshëm, që po zhvillohet sot dhe nesër në kryeqytet, me praninë e të pestë sekretarëve të përgjithshëm të PSOE-së. Sanchez, 42 vjeç, profesor i ekonomisë dhe historisë së mendimit ekonomik në universitetin ”Camilo José Cela”, tërheqës dhe tepër karizmatik, është një negociator mjaft i durueshëm. Midis idealistit Zapatero dhe sekretarit pragmatik që po largohet, Alfredo Perez Rubalcaba, Partia Socialiste, që ka një rënie të pashembullt me rezultatet më të këqija ndonjëherë në Evropë, së fundmi ia beson Sanchezit rinovimin e saj, në funksion të zgjedhjeve dhe politikave komunale dhe rajonale në vazhdim për 2015-ën.