Pochettino: Titulli i sezonit 2016/17 i fituar nga Chelsea duhet të revokohet

“Chelsea-t duhet t’i hiqet titulli i Premier Ligës i fituar në sezonin 2016/17, pasi ata shkelën rregullat financiare gjatë atij viti.” Kjo kërkesë vjen nga Mauricio Pochettino, aktualisht trajner i kombëtares së SHBA-së, por që në atë kohë drejtonte Tottenhamin.

Nën drejtimin e tij, “Spurs”-at e mbyllën sezonin në vendin e dytë, shtatë pikë pas “Bluve”. Sipas Pochettinos, Chelsea-t duhet t’i hiqet titulli “për shkak të shkeljeve të rregullave financiare dhe për t’i rikthyer nderin Tottenhamit”.

Në muajin korrik, Chelsea u gjobit me 10 milionë stwrlina dhe u dënua me pezullim për dy ndeshje (me kusht) për shkak të shkeljeve të rregulloreve të Premier League gjatë epokës së Roman Abramovich-it. Klubi londinez pranoi se kishte kryer 74 shkelje të rregulloreve të Federatës Angleze të Futbollit (FA) që lidheshin me agjentët, bashkëpunimin me ndërmjetësit dhe investimet e palëve të treta te lojtarët.

Pronarët Todd Boehly dhe Clearlake Capital i raportuan vetë këto shkelje te autoritetet e futbollit në vitin 2022, ndërsa ishin në procesin e blerjes së klubit nga miliarderi rus Abramovich.

Pochettino drejtoi Chelsea-n në sezonin 2023-24: “Nuk kam dyshime dhe nuk kam frikë ta them të vërtetën. Tifozët e Chelsea mund të jenë të zemëruar me mua, por nëse do të ishim te Tottenhami dhe do t’i kishim shkelur rregullat, do ta pranoja po njësoj,” – përfundoi trajneri argjentinas. “Ne nuk e meritojmë titullin sepse i kemi shkelur rregullat.”