Presidenti Radev: Austria është investitor kryesor në Bullgari

Presidenti i Bullgarisë Rumen Radev dhe ai i Austrisë Alexander Van der Bellen diskutuan në Sofje marrëdhëniet dypalëshe dhe çështjet ndërkombëtare me interes reciprok. Z. Radev komentoi se gjatë 7 muajve të fundit zhvillon takim të tretë me homologun e tij dhe kjo ripohon interesin e forcuar dhe vullnetin e madh të dy vendeve për të thelluar dhe zhvilluar marrëdhëniet e tyre. Si rezultat i kësaj këmbimi dypalësh i mallrave është 1.2 mlrd euro, kurse Austria është investitor prijës në Bullgari, nënvizoi Kreu i Shtetit Bullgar. U shqyrtua gjithashtu politika e përbashkët për sigurinë dhe mbrojtjen, sfidat lidhur me krizën e migrantëve, domosdoshmëria për reformim të sistemit evropian për strehim dhe perspektiva e politikës së kohezionit pas vitit 2020. Alexander Van der Bellen vuri në dukje se Austria dhe Bullgaria janë partnerë strategjikë për shuma tema, ndërsa prioritetet e Presidencës Bullgare të Këshillit të BE-së dhe të Presidencës së Austrisë pas kësaj janë pothuajse identike.