Princ Harry rikthehet në punë pas kthimit në Britani, çfarë po përgatit në fshehtësi?

Princ Harry ka nisur një kapitull të ri pas rikthimit në Britani, duke u shfaqur për herë të parë në publik teksa punonte në një projekt misterioz në Londër.

Duka i Sussex-it, 41 vjeç, kaloi pjesën më të madhe të së premtes, 4 shtator, në një studio produksioni në Londër për një projekt që ende nuk është bërë i ditur.

Fotografitë e para të Harry-t u publikuan nga Tower Bridge Studios, ku ai la edhe firmën e tij në murin e personazheve të famshëm.

“Faleminderit, Princ Harry, që zgjodhët Tower Bridge Studios! Ishte një kënaqësi absolute t’ju kishim në studiot tona”, shkroi studioja në Instagram.

Një burim i studios tha për PEOPLE se Harry ishte “shumë i sjellshëm me të gjithë” dhe se gjithçka gjatë vizitës së tij ishte “shumë e qetë”.

Detajet e projektit janë mbajtur të fshehta. Studioja ku ai qëndroi përdoret për regjistrime private audio dhe video dhe ka ambiente të mbyllura, të rezervuara nga kompani produksioni.

Sipas PEOPLE, rezervimi ishte bërë nga një kompani e pavarur dhe jo drejtpërdrejt nga Harry. Princi ishte i shoqëruar nga një grup personash gjatë qëndrimit të tij në studio.

Në këtë studio janë realizuar edhe produksione të njohura si “The Diary of a CEO” dhe “The Apprentice”, duke shtuar kuriozitetin mbi atë që Harry mund të jetë duke përgatitur.