Një recete nga veriu i Italisë, qofte me spinaq dhe rikota. Spinaqi është një perime me ngjyrë të theksuar të gjelbër i cili ofron më shumë vlera ushqyese se çdo perime tjetër.
Qofte me spinaq dhe rikota
Sasia: 4 persona
Kalori: 260kcal
Përbërësit
- 500 gr spinaq
- 2 kokrra vezë
- 100 gr djathë parmigiano i grirë
- 100 gr galetë bukë e grirë
- 150 gr miell
- 20 gr gjalpë
- pak piper
- pak arrë moskat
- 5 gr kripë
Përgatitja
-
Pastrojmë spinaqin dhe e lajmë mirë. Spinaqin e larë, e hedhim në një tenxhere me ujë të vluar dhe kripë. E lemë për një minutë dhe e nxjerrim. E kullojmë mirë dhe e grijmë më thikë.
-
Hedhim spinaqin e grirë në një enë dhe bashkojmë bukën e grirë. Mund të përdorim edhe bukë të lagur me qumësht, sipas dëshirës ky hap. Shtojmë më pas djathë të grirë dhe rikota (gjizë pa kripë).
-
E rregullojmë me kripë dhe erëzat dhe shtojmë vezët e rrahura pak. Përzihet masa me kujdes dhe i ndajmë në qofte të vogla, të cilat i lyejmë nga të gjitha anët me pak miell.
-
Vendosim një enë me ujë të bollshëm për të zier pak çaste qoftet me spinaq.
-
Përgatisim pak salcë duke skuqur 50 gr miell me gjalpë. Shtojmë më pas pak ujë nga ku kanë zier qoftet me spinaq dhe salca është gati.
-
Qofte me spinaq dhe rikota janë gati. I shtojmë në pjatë se bashku me pak salcë të përgatitur dhe i shërbejmë.
Lexoni gjithashtu recetat për qofte me qiqra ose qofte me mish pule.
Ju bëftë mirë nga Artigatimit!
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.