Rama flet për udhëtimet: Kam bërë 1.6 milionë kilometra në Shqipëri, i kam matur me truprojë

Kryeministri Edi Rama ka deklaruar gjatë podcastit të tij se zotëron një njohje të thellë të vendit dhe të problemeve të qytetarëve, duke treguar se ka përshkuar plot 1.6 milionë kilometra përgjatë rrugëtimit të tij politik në Shqipëri. Ai u shpreh se këtë shifër e ka zbuluar falë llogaritjeve të bëra nga truproja e tij, të cilat dokumentojnë distancën e madhe të mbuluar si lider i opozitës dhe i qeverisë.

Në të njëjtën linjë, kreu i ekzekutivit foli edhe për protestat dhe të kaluarën e tij në bulevard, duke u shprehur krenar për to dhe duke kujtuar ngjarje të vështira. Rama solli në vëmendje periudhat kur ka qenë vetë protestues, duke përmendur humbjet e jetëve nga dritaret e Kryeministrisë dhe keqtrajtimin e invalidëve që kërkonin zgjidhje për hallet e tyre pranë institucioneve.