Rama në selinë rozë, mbledh urgjent ministrat dhe drejtuesit politikë

Mëngjesin e kësaj të mërkure, 24 qershor, kyeministri Edi Rama ka shkuar në ambientet e selisë së Partisë Socialiste, siç mund ta shihni edhe në video.

Gazetarja e Klan News, Greta Bullari, raporton se ai do të zhvillojë një mbledhje me drejtuesit politikë në qarqe dhe ministrat.

Nuk dihet ndonjë detaj më shumë, ndërsa duhet theksuar se në takimet e mëhershme mes socialistëve në fokus të diskutimeve ka qenë procesi i integrimit të Shqipërisë në Bashkimin Europian dhe zgjedhjet e ardhshme lokale.

Megjithatë, të paktën në tre javët e fundit, kreu i qeverisë ka qenë mjaft aktiv me postimet në rrjetet sociale dhe jo vetëm, sa i takon protestës qytetare që zhvillohet në kryeqytet prej 24 ditësh tanimë.

Madje, në mbledhjen e para katër ditëve të grupit parlamentar të PS-së, ua bëri të qartë atyre që dalin në shesh se nuk do e japë dorëheqjen. Më shumë se protestë me një kauzë të qenësishme, ai e ka cilësuar një trend për vëmendje të nxitur nga histeria e rrjeteve sociale.

Në vazhdën e reagimeve të tij lidhur me këtë çështje, që është më e diskutueshmja e momentit në vend, ai ndau postimin si më poshtë: