Rama nxjerr pamjet: Punimet në rrugën Elbasan-Qafë Thanë vijojnë me ritme të larta

Kryeministri Edi Rama ka postuar sot në 1 gusht pamje nga punimet në rrugën nacionale Elbasan- Qafë Thanë.

Rama shprehet se punimet në këtë aks vijojnë me ritme të larta. Kreu i qeverisë shton se është gjithnjë e më pranë përfundimi i një prej investimeve më të rëndësishme infrastrukturore në vend.

Rama shton se qeveria vijon me punët për Shqipërinë, për infrastrukturë moderne e funksionale, që i përgjigjet nevojave të qytetarëve dhe vizionit të vendit tonë për vitin 2030.

“Punimet në rrugën Elbasan–Qafë Thanë vijojnë me ritme të larta, duke sjellë çdo ditë më pranë përfundimin e një prej investimeve më të rëndësishme infrastrukturore në vend.

Ky projekt do të përmirësojë ndjeshëm qarkullimin, do të rrisë sigurinë rrugore dhe do të krijojë më shumë mundësi për zhvillimin ekonomik e turistik të zonave që lidhen përmes këtij aksi.

Vijojmë me #PunëteShqipërisë, me infrastrukturë moderne dhe funksionale, që i përgjigjet nevojave të qytetarëve dhe vizionit për Shqipërinë 2030”, shkruan kryeministri.