Rokas: Shpresoj që Von der Leyen do të jetë vendimtare për euro-integrimin e vendit

Ambasadori i BE-së, Michalis Rokas, njoftoi se Presidentja e Komisionit Evropian, Ursula von der Leyen, do të vizitojë së shpejti rajonin dhe shpreson që vizita e saj të jetë një hap vendimtar drejt fillimit të negociatave të pranimit të RMV-së në Bashkimin Evropian.

“Gjatë muajve të fundit, të gjithë kemi punuar shumë për ta bërë këtë të ndodhë. Shpresoj që së shpejti të kemi një vizitë rajonale nga Presidentja e Komisionit Evropian, Ursula von der Leyen. Do të zhvillohet brenda dy ose tre javësh, kështu që shpresoj vërtet që vizita e saj të jetë një hap vendimtar drejt fillimit të negociatave të pranimit me Bashkimin Evropian”, tha Rokas, i cili mori pjesë në një aktivitet në pikën kufitare Tabanoc.

I pyetur nëse kishte ndonjë informacion se mund të miratoheshin ndryshime kushtetuese me efekt të vonuar për të zhbllokuar procesin e integrimit evropian, ai tha se nuk mund ta ndante një informacion të tillë./Telegrafi/