Rrahmani largohet nga përfaqësuesja e Kosovës: Ky vendim vjen nga nevoja për të ruajtur integritetin tim

Amir Rrahmani ka njoftuar largimin nga përfaqësuesja e Kosovës. Mbrojtësi i Napolit, me një postim në rrjetet sociale, ka bërë të ditur vendimin e tij, ndërsa ka sulmuar dhe drejtuesit e FFK-së.

“Pas 10 vjetëve në Kombëtare, nga të cilat shtatë si kapiten, ju njoftoj se nuk do të jem më pjesë e Kombëtares së Kosovës, përderisa FFK-në e udhëheqin personat aktualë”.

“Për shkak të shumë faktorëve, kundërshtimeve të vazhdueshme dhe mungesës së njerëzve kompetentë për të adresuar problemet dhe ankesat tona, situata ka mbetur pa përmirësime për shumë vite”.

“Dhe çfarë mora në këmbim? Sulme të vazhdueshme dhe të koordinuara për më shumë se dy vite nga ata të cilët do të duhej të na mbronin. Drejtësia do ta vërtetojë një ditë”.

“Ky vendim vjen nga nevoja për të ruajtur integritetin tim si kapiten dhe futbollist profesionist, por mbi të gjtha vlerat e mia si njeri.

I juaji, Amir Rrahman”.