Situatë alarmante nga zjarri në Radostinë, flakët i afrohen shtëpive, nis dhe evakuimi i banorëve! Kërkohet ndërhyrje ng

Vijon zjarri me përmasa të mëdha që ka përfshirë kodrat e mbjella me ullinj në fshatin Radostinë, duke krijuar një situatë alarmante për banorët e zonës pasditen e sotme (4 shtator).

Meqenëse flakët po përparojnë me shpejtësi drejt zonave të banuara, autoritetet kanë nisur me urgjencë evakuimin e qytetarëve për të shmangur rrezikun për jetën e tyre.

Përpjekjet e zjarrfikësve dhe ekipeve të emergjencës po pengohen ndjeshëm nga relievi i thyer i terrenit, çka e bën pothuajse të pamundur izolimin e vatrës me mjete nga toka.

Përballë rrezikut të menjëhershëm që i kanoset banesave, po kërkohet me urgjencë ndërhyrja nga ajri përmes helikopterëve, si e vetmja mundësi për të vënë nën kontroll përhapjen e flakëve.