“Tërmet” te Zvicra, Okafor del kundër trajnerit Yakin: Në rrethana të tilla…

Furtunë në ekipin kombëtar të Zvicrës. Sulmuesi Okafor, të paktën për momentin, ka njoftuar se dëshiron ta përfundojë karrierën e tij me ekipin e Yakin. Ai e shpjegoi vetë këtë në një mesazh të gjatë në rrjetet sociale.

“Për mua, nuk ka pasur kurrë diçka më të mirë sesa të luaj për Zvicrën. Dhe çdo herë jam përpjekur ta lë zemrën time në fushë. Do të doja ta bëja këtë edhe në të ardhmen, por në rrethanat aktuale, thjesht nuk mund ta bëj më. Pas një shqyrtimi të kujdesshëm, kam vendosur të tërhiqem nga ekipi kombëtar deri në njoftim të mëtejshëm. Por dua ta bëj të qartë: ky vendim nuk ka të bëjë fare me minutat e luajtura”.

Arsyeja qëndron pikërisht në marrëdhënien me Yakin, një problem që shpërtheu gjatë Kupës së Botës, por që kishte lindur më parë: “Ishte një nder i madh për mua të luaja në Kupën e Botës duke veshur këtë fanellë. Një vit pas Kampionatit Evropian, Murat Yakin erdhi tek unë posaçërisht me disa anëtarë të stafit të trajnerëve për një bisedë sqaruese. Dhe ishte një bisedë respektuese dhe pozitive”.

“Kjo është arsyeja pse u largova për në Kupën e Botës me një ndjenjë të mirë, dhe ajo që përjetova atëherë ishte edhe më zhgënjyese, dhe jo sepse nuk luajta shumë, por për shkak të mënyrës se si u trajtova. Ndodhën gjëra që më lënduan thellë. Kur luajta kundër Algjerisë, reagimi ndaj gabimeve të vogla që bëra ishte i dhimbshëm”. Vendimi i qendërsulmuesit është i qartë: “Nuk dua të luaj më për ekipin kombëtar nën drejtimin e trajnerit aktual”.