Vatër zjarri edhe në Qinam të Tiranës, flakët pranë depos së lëndëve plasëse, aksion për shmangien e pasojave!

Një vatër zjarri me rrezikshmëri të lartë është aktivizuar në fshatin Qinam të Tiranës sot pasdite (4 shtator), pikërisht pranë një depoje ku ruhen lëndë plasëse, duke ngritur në alarm të menjëhershëm autoritetet dhe shërbimet e emergjencës.

Sapo është dhënë alarmi për afërsinë e flakëve në vendngjarje kanë mbërritur forca të Policisë së Shtetit, mjete të shërbimit zjarrfikës si dhe autoambulanca.

Efektivët po punojnë me intensitet në terren për vënien nën kontroll dhe izolimin e shpejtë të vatrës së zjarrit, me qëllim shmangien e çdo rreziku për shpërthim apo pasoja të rënda për zonën rrethuese.