VIDEO / Fatmir Mediu ia merr valles, të tjerët i hedhin tufa me lekë
Ish-ministri Fatmir Mediu është shfaqur në një video duke hedhur valle, ndërsa disa persona pranë tij i hedhin para, në një skenë që më shumë se politike duket si pjesë e një dasme tradicionale shqiptare.
Në pamje, Mediu shihet duke kërcyer, ndërsa atmosfera përreth shoqërohet me muzikë, duartrokitje dhe njerëz që i hedhin para.
Videoja ka tërhequr vëmendje në rrjet, jo vetëm për vallen e ish-ministrit, por edhe për kontrastin e fortë me hijen politike dhe juridike që e ndjek prej vitesh. Fatmir Mediu është i akuzuar për shpërdorim detyre në lidhje me tragjedinë e Gërdecit, të ndodhur më 15 mars 2008, ku humbën jetën 26 persona dhe u plagosën qindra të tjerë.
Në një vend ku politika shpesh ngjan me spektakël, këtë herë skena nuk kishte nevojë për podium, mikrofon apo premtime. Mjaftoi një valle, pak muzikë dhe disa kartëmonedha për të prodhuar një pamje që flet më shumë se shumë deklarata politike.
/TemA
Tema:
kryesore
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.