Kryeministri Edi Rama në Pogradec, takim dyditor me drejtuesit politikë dhe ministrat në prag të sesionit të ri politik

Kryeministri Edi Rama ka mbërritur në qytetin e Pogradecit, ku do të zhvillojë një takim dyditor me drejtuesit politikë të Partisë Socialiste dhe ministrat e kabinetit qeveritar, në prag të nisjes së sesionit të ri politik.

Në videon e siguruar nga RTSH, shihet kryeministri Edi Rama teksa ka mbërritur në vilën qeveritare në Pogradec.

Punimet e mbledhjes nisin sot me fokus te drejtuesit politikë të mazhorancës, ku do të diskutohet mbi organizimin e strukturave të partisë dhe përcaktimin e objektivave kryesore politike e qeverisëse.

Të hënën, Rama do të vijojë takimet me ministrat e kabinetit, për të detajuar planin e punës të qeverisë dhe prioritetet ekzekutive për muajt e ardhshëm.