Limaj pas aktgjykimit në Hagë: Të mos lejojmë që zhgënjimi të keqpërdoret kundër Kosovës

Limaj pas aktgjykimit në Hagë: Të mos lejojmë që zhgënjimi ynë të keqpërdoret kundër vendit

Kryetari i Nismës Socialdemokrate, Fatmir Limaj, ka reaguar pas aktgjykimit të Dhomave të Specializuara në Hagë ndaj katër ish-krerëve të UÇK-së.

Limaj e ka cilësuar aktgjykimin si të padrejtë dhe të papranueshëm, duke thënë se vendimi nuk përfaqëson qëndrimin e popullit të Kosovës.

“Ky aktgjykim është i padrejtë, i papranueshëm, jo në emër të popullit të Kosovës, jo në emrin tim”, ka deklaruar Limaj.

Ai u ka bërë thirrje qytetarëve që zhgënjimin dhe dëshpërimin pas vendimit të mos lejojnë të keqpërdoren kundër Kosovës.

“Mos të lejojmë që mërzinë tonë, zhgënjimin tonë, dëshpërimin tonë ta keqpërdorë askush kundër vendit tonë, por le ta kthejmë në një forcë e bashkim për të vazhduar drejt betejave të ardhshme, një fitore të plotë”, tha Limaj. /Telegrafi/