Mot me vranësira, vende-vende reshje shiu e rritje e përkohshme e shpejtësisë së erës

Instituti Hidrometeorologjik bën të ditur se sot në Kosovë do të mbajë mot me diell dhe vranësira, të cilat gjatë ditës, në vende të caktuara, mund të sjellin reshje shiu dhe shkarkime rrufesh.

IHK njofton se në zonat me zhvillim konvektiv mund të ketë rritje të përkohshme të shpejtësisë së erës.

Temperatura minimale do të jenë nga 11–15 gradë Celsius, ndërkaq ato maksimale nga 24 deri në 28 gradë.

Era do të fryjë nga veriperëndimi, me shpejtësi 1–9 m/s. Në zonat ku zhvillohen dukuri konvektive, shpejtësia e erës mund të rritet përkohësisht. /Telegrafi/