Pas kërkesës në Euronews për ta takuar, Rama pret të moshuarin në Pogradec (VIDEO)

Pasi një i moshuar nga Pogradeci shprehu dëshirën për të takuar kryeministrin Edi Rama, përmes një interviste për Euronews, ku tha se po priste prej pesë orësh për këtë gjë, duket se fjala e tij ka rënë në veshin e duhur.

Pas përfundimit të mbledhjes së rreth 7-orëshe me drejtuesit politikë të Partisë Socialiste në Pogradec, Rama, së bashku me kryebashkiakun Ilir Xhakolli, ka takuar të moshuarin.

Ky i fundit kishte shprehur dëshirën për të takuar kryebashkiakun dhe për ta falënderuar për zgjidhjen e problemeve që i kishte ngritur.

Zotëria: “Për problemet që më ka shtruar mua, i kam ndjekur këtu, mi ka zbatuar Iliri. Edhe ta përqafoj atë.”

Gazetari: “Kush Ilir, kryetari i bashkisë?”

Zotëria: “Eee.”

Gazetari: “T’i ka zgjidhur?”

Zotëria: “Po.”

Gazetari: “Edhe kërkon thjesht ta falënderosh?”

Zotëria: “Po, po.”

Gazetari: “Po mbaron vonë Rama.”

Zotëria: “Kur të mbarojë, do ta përqafoj njëherë kështu, me kaq.”

Gazetari: “Vetëm për ta përqafuar?”

Zotëria: “Po, kaq. Do rri.”