Kuvendi/ Shehaj ironizon pasurinë e Ballës: 20 vite në politikë dhe ka vetëm një apartament!

Deputeti Agron Shehaj ka ironizuar në foltoren e Kuvendit deputetin socialist Taulant Balla, duke komentuar deklaratën e tij të pasurisë.

“Taulanti i shkreti, është për të ardhur keq. Po e shihja a ka prona apo s’ka, meqë pa pronat e mia. Njëzet vjet në politikë dhe nuk mendoi njëherë për veten. Një apartament ka, dhomë e kuzhinë. Po si s’e mendove pak për veten tënde? Deklarata e pasurisë është për të ardhur keq”, u shpreh Shehaj.

Më tej, deputeti opozitar pretendoi se Balla kishte hyrë në politikë me 8 mijë dollarë në llogari dhe pa pasuri të tjera, ndërsa ngriti akuza për mënyrën se si, sipas tij, funksionon pushteti sot. “Sot, jo vetëm Taulanti, por kujtdo që dërgon një SMS në emër të Taulantit i çojnë 100 mijë euro pa pyetur fare”, deklaroi Shehaj nga foltorja e Kuvendit.