Protestuesit zhvendosin tubimin nga Parlamenti në bulevardin “Dëshmorët e Kombit” dhe Unazën e Tiranës (VIDEO)

Duke parë kordonet, masat e shtuara të sigurisë dhe bllokadën e policisë pranë Parlamentit, protestuesit janë larguar nga aty dhe kanë nisur një marshim në Bulevardin “Dëshmorët e Kombit”.

Ata kanë qëndruar për 10 minuta përballë hyrjes së Kuvendit, nga ana e Galerisë së Arteve në Tiranë. Më pas janë drejtuar në bulevard, kanë vijuar përgjatë Bulevardit “Zhan D’Ark” dhe kanë mbërritur sërish pranë rrugës hyrëse të Parlamentit, te Xhamia e Madhe e Tiranës.

Ndërkohë, edhe drejtuesit e automjeteve janë solidarizuar me protestuesit, duke i rënë borive gjatë kalimit në zonën ku po zhvillohet protesta.